新聯賽杯冠軍或成功租借小魔獸！ 精選

係目前既英超射手榜上，西布朗前鋒盧卡古打入13球排第8，作為一名被車路士外租既球員，佢既入球數高過車路士隊內既托利斯、丹巴巴亞、林柏特等人。對於下季會唔會番去車路士效力，盧卡古本人既想法係，最好可以被繼續外借，但佢唔想留係西布朗，佢希望去一隊實力更加突出既球隊，最好呢隊仲可以參加歐戰。據《每日鏡報》最新消息，史雲斯有望租借盧卡古。
盧卡古同西布朗既租約將於今季結束之後到期，球員本人希望下賽季繼續被車路士外租，但佢唔想留係西布朗，即使佢係呢隊既表現十分出色，呢名有“小魔獸”之稱既比利時年輕射手覺得，如果繼續外租既話，佢應該去一支實力高過西布朗，而且最好可以參加歐戰既球隊。到宜家，史雲斯就想打盧卡古既主意，呢支球隊今季已經贏左聯賽杯冠軍，下季將會可以參加歐聯比賽。
史雲斯主帥米高勞迪立想要盧卡古唔係一日半日既諗法，而係米高勞迪睇黎，史雲斯能夠參加下季歐霸既呢個特質應該足以令盧卡古動心。另外，米高勞迪仲好堅信，如果盧卡古黎到史雲斯，佢完全可以係史雲斯取得更加多既進步。仲有既係，米高勞迪希望盧卡古既到來可以緩解一下另一位射手米祖既壓力，今季米祖係英超入面攻入17球，但係隊內射手榜排名第二位就係中場球員迪根斯文，只有5球進帳。