三大豪門競爭希古恩，迪羅斯再成為皇馬引援目標！ 精選

皇馬5比1大勝利雲特一戰入面，希古恩上演左傳射建功既好戲。小煙槍既入球，更加係個極為精彩既半轉身凌空抽射。但响賽後接受採訪時，希古恩唔願表態長期效忠皇馬，佢只宣稱會响本季內為皇馬全力以赴。希古恩此言一出，西媒認定佢會離開班拿貝。根據《阿斯報》報導稱，曼城、巴黎聖日耳門同安捷都希望得希古恩。
响呢個夏天，曼城將會進行鋒線重組，阿古路同迪施高都有可能被清洗。希古恩係當今足壇既頂級禁區殺手之一，曼城希望能夠將小煙槍帶到曼徹斯特。岩岩好阿古路都係皇馬既引援目標，如果雙方能夠達成交易既話，唔排除兩人互換東家既可能性。
除了曼城之外，巴黎聖日耳門同安捷都有興趣得到希古恩。上年巴黎就曾經追求過希古恩，但最終小煙槍選擇留係班拿貝。雖然巴黎目前既鋒線核心係伊巴謙莫域，但無論係拿維斯定係文尼斯，得分效率都無法同希古恩相提並論。而按照《阿斯報》既講法，安捷更加係願意花費任何代價得到希古恩，俄超新貴用錢唔眨眼。
沙比阿朗索有可能唔同皇馬續約，艾辛將會响租借到期之後回歸車路士，下賽季白衣軍團仲要買後腰。據葡萄牙《球報》透露，皇馬、巴黎聖日耳門和曼城都希望得到迪羅斯。迪羅斯本賽季响羅馬過得唔開心，即管佢既合同簽到2017年，但今夏離隊既可能性極大。