愚人節玩笑？英媒曝車路士敲定摩連奴+7000萬求購C朗！ 精選

根據英國《每日快報》既最新報導，車路士主教練賓尼迪斯已經通知左自己既助手，下季佢將唔會留係史丹福橋繼續執教，原因就係摩連奴已經決定會係2013/14賽季重拾車路士既教鞭，更恐怖既係，C朗將會有望追隨摩帥投奔史丹福橋。
其實有關摩連奴要重番車路士既消息係最近已經成為熱門話題，國際比賽日期間，摩連奴私訪倫敦已經俾英國媒體逮到正，甚至葡萄牙人對呢件事都唔避諱，佢直言：“每一次我番到倫敦，人地就開始估我係咪要番黎，我唔否認呢一點，因為雖然呢到天氣差啲，但係我鍾意呢到，我係呢到有美好既回憶，所以，對於你地所諗既，我都有所期待。"

正係呢一番話揭開左摩連奴番倫敦既序幕，《每日快報》係文中表示，賓尼迪斯已經知道左自己係史丹福橋只係會等到今季完，之後車路士就將會歡迎摩連奴既歸來，阿布已經準備好支票簿，只係等緊摩連奴黎簽字啦。
《每日快報》係報導仲講到，每一次摩連奴去一間新既球會，都會帶幾名自己既老部下，呢一次葡萄牙人欽點既就係自己既同胞C朗，一樣係門德斯旗下既C朗好得到阿布既欣賞，文中仲表示阿布甚至已經準備左7000萬歐元用黎收購C朗，如果車路士真係能夠係今年夏天將摩連奴同C朗同時帶到史丹福橋，咁歐洲足壇既一輪藍色風暴就真係要黎啦！

當然，考慮到今天係4月1日，呢條消息係咪《每日快報》既一則愚人節玩笑，就唔知啦。