C朗經紀人計劃令C朗不履行完合同！ 精選

係無同皇馬續約既情況之下，有關C朗既未來，仍然存在好大既變數，據英國《每日郵報》報導，C朗經紀人門德斯建議佢係2014年離開皇馬。C朗會唔會留係皇馬？相關既傳言好多，按照《每日郵報》既講法，門德斯可能已經為C朗2014年離開皇馬做緊精心既安排啦。C朗同皇馬既合同仲有2年，不過門德斯宜家既計劃係唔俾C朗履行完合同，而皇馬知道C朗無論場上定係場下都價值無限，因此會諗盡辦法同佢續約。
不過目前黎睇情況並唔樂觀。雖然佢係皇馬既狀態神勇，而且贏到隊友同球迷既尊重，但佢並唔排除未來離開班拿貝既可能，而奧脫福係佢可能既目的地。對皇馬黎講，如果C朗堅持唔續約，咁2014年出售佢都係勢在必然，因為C朗同皇馬既合同2015年就到期，等佢履行完合同再走人，皇馬一蚊都拎唔到。巴黎聖日耳門都係想引入C朗既球會，而對於阿拉伯酋長黎講，錢從來唔係問題。
另一方面，唔理C朗走唔走，皇馬既鋒線引援行動都已經展開。皇馬眼下係鋒線上遇到問題，無論係賓斯馬定係希古恩都達唔到球會希望既水平，皇馬已經開始尋找佢地既替代者，不過皇馬係追求法卡奧定係阿古路既問題上都仲係舉棋不定。
幾年前，皇馬​​就曾經對阿古路感到興趣，但係由於馬體會既強烈抵制，皇馬最終未能如願，阿古路都去左曼城。阿古路逐漸淡出皇馬既視野。之後，皇馬將目光放到法卡奧身上，哥倫比亞“老虎”係西甲同歐洲賽場表現強勁，而佢正係阿古路係馬體會既替代者。不過，同當初力阻阿古路加盟皇馬一樣，馬體會都唔同意將法卡奧賣俾皇馬，據悉，係法卡奧既合同入面，有一個“反皇馬條款”，如果佢要加盟皇馬，佢既合同毀約金就會增加1500萬歐元。法卡奧合同入面呢一條款既存在，令皇馬重拾對阿古路既興趣。就係今季，阿古路曾向皇馬暗送秋波，“如果皇馬對你有興趣，咁你肯定會加盟皇馬，當年我之所以加盟曼城，係因為皇馬無表現出對我真正既興趣。此外，我仲想否認一種講法，我從來無講過為馬體會踢過波，就唔可以為皇馬效力。”今季阿古路係曼城過得好悶，31場比賽只係出場18場，入波數目都縮水。此外，佢既仔仔都番左去西班牙生活。