史篤城決定唔同奧雲續約，一代金童夏天將退役？ 精選

奧雲，昔日既足球天才、超級金童、英格蘭既全民偶像，宜家就只能夠係英超弱旅史篤城百無聊賴咁過日子。更糟糕既係，英媒《每日郵報》爆料史篤城已經通知奧雲：球隊今年夏天將唔會同你續約。媒體分析奧雲今年夏天好有可能面臨無波踢既情況，而心高氣傲冕奧雲好有可能就咁退役，告別球場！
史篤城管理層係昨日開左一個內部會議，會議對下個賽季既前景做左規劃，並確定唔會同奧雲續約。史篤城高層唔續約既決定令奧雲感到好詫異，佢既足球生涯或者就咁終結。其實，史篤城唔同奧雲續約都係情理之中，呢位曾經效力過利物浦、皇馬、紐卡素、曼聯既射手今個賽季入得1球，狀態下滑得太厲害。體育就係咁殘酷，無論你之前名氣有幾大，只要你宜家無價值，照樣被掃地出門，奧雲都無得倖免！

早係上年夏天果陣，奧雲就差啲無波可以踢。一直到夏季轉會窗口關閉前一刻，佢先得到史篤城既合同，雙方簽訂左一份1+1既合同，史篤城可以根據奧雲係12-13賽季既表現決定係咪同佢續約。而宜家史篤城顯然唔滿意奧雲今年既發揮。心高氣傲既奧雲之前多次表示自己唔會委曲求全去低級聯賽踢波，咁好有可能意味住佢今年夏天要退役。雖然奧雲係史篤城既工資並唔高，但係史篤城管理層制定左一份新既建隊計劃，而奧雲就唔係球隊既未來之中。1998年係世界盃橫空出世既奧雲已經唔再年輕，佢今年夏天係英超好難再搵到新東家，媒體認為佢只有去中東或者美國發展先可以延續自己既職業生涯，但係奧雲並唔願意係呢個年齡去一啲唔入流既聯賽養老。
嚴重既傷病讓奧雲既職業生涯咁短，真係令人唏噓不已。遙想當年，奧雲一人率領利物浦獲得五冠王係幾意氣風發，榮膺歐洲金球獎果陣又係幾風光？只可惜歲月催人老。今個賽季，奧雲僅為史篤城正選上陣一次，而且係係足總盃對水晶宮既比賽入面。另外，奧雲今個賽季係英超只係得六次出場既機會。
史篤城上個星期公佈左球隊既財政數據，佢地既工資總額已經達到5300萬英鎊，虧損額都達到1500萬英鎊，呢個數字對於咁既一間細球會黎講係相當高。佢地決定從根本上做出改變，隊內既好多老將都會係今夏被清洗，佢地會引入大批青年才俊！