林柏特托利斯領銜車路士清洗名單！ 精選

林柏特 - 年齡：34歲 - 今季出場：36場 - 2001年加盟車路士 - 估價：400萬鎊 - 被清洗可能：9成
係即將成為車路士史上頭號射手既同時，林柏特係藍軍生涯都走到左最後。今個星期，車路士否認佢地正係度同林柏特傾續約，雖然球迷好失望，但不幸既係，車路士並唔似球迷咁認為林柏特下個賽季仲可以為藍軍效力，佢既下一站好有可能係美國，從而結束佢13年既藍軍生涯！
托利斯 - 年齡：28歲 - 今季出場：48場 - 2011年加盟車路士 - 估價：2500萬鎊 - 被清洗可能：8成
同林柏特唔一樣，托利斯既低迷並無贏得車路士球迷既支持，連昔日恩師賓尼迪斯都無辦法激活呢名金童，車路士只能夠盡快係佢暴降身價之前將佢賣走，從上年12月以黎，托利斯只係攻入左兩球，希望佢仲能夠賣得出2500萬鎊！
馬路達 - 年齡：32歲 - 今季出場：0場 - 2007年加盟車路士 - 估價：200萬鎊 - 被清洗可能：10成
馬路達曾經係車路士主力，但係宜家就被徹底打入冷宮，本來佢上年夏天就應該離隊，但佢就因為唔肯降薪，導致對佢有意既里昂同幾間巴西球會無得唔知難而退。隨後，馬路達仲被貶入車路士預備隊，從上個賽季既42次出場一下減到0次，所有既尊嚴都隨風而去！
費雷拉 - 年齡：34歲 - 今季出場：5場 - 2004年加盟車路士 - 估價：50萬鎊 - 被清洗可能：10成
佢係車路士近10年輝煌最忠誠既僕人，但係宜家已經淪為後備入面既後補，雖然佢有豐富既經驗，但係已經跟唔上車路士既需要，今年夏天佢既合同就到期，車路士沒有任何理由同佢續約！
馬連 - 年齡：23歲 - 今季出場：13場 - 2012年加盟車路士 - 估價：600萬鎊 - 被清洗可能：6成上年夏天先加盟既佢就被寄予厚望，但係佢既上場機會實在少得可憐，而且從目前車路士擁有既攻擊中場數量黎睇，佢係近期都無可能成為藍軍主力，轉會或者租借出去係最佳既選擇！
班拿約 - 年齡：32歲 - 今季出場：6場 - 2010年加盟車路士 - 估價：200萬鎊 - 被清洗可能：9成
雖然係效力利物浦期間曾經係賓尼迪斯既愛將，但係賓尼迪斯下個賽季肯定唔係史單福橋啦，而呢名以色列人好大機會離隊，而之前佢都曾經被租借去韋斯咸！艾辛 - 年齡：30歲 - 今季出場：25(皇馬) - 2005年加盟車路士 - 估價：1400萬鎊 - 被清洗可能：6成
艾辛同車路士仲有兩年合同，但係今個賽季佢都是被租借到皇馬效力，你好想知道佢係車路士仲有無未來，以目前車路士中場人才濟濟同艾辛曾經多次受傷既歷史，車路士願意聽取任何球會今夏對佢既報價！