紅軍求購黑貓門將願以軒達臣交換！ 精選

據報導，利物浦主帥羅渣士睇中左新特蘭門將米洛列，佢希望呢名黑貓門將能夠代替可能係夏天離隊既連拿，並且願意用軒達臣作為交換！
利物浦晉級下個賽季歐戰既可能性已經唔大，咁令到球隊主力門將連拿可能係賽季結束之後選擇離開球隊，佢既老東家巴塞非常需要一名新門將黎代替肯定將會離隊既球隊主力域陀華迪斯。紅軍希望能夠從連拿身上盡可能獲得多啲轉會費，並且已經開始積極尋求替代者。

而新特蘭門神米洛列就進入左羅渣士既視線，佢希望呢名比利時人能夠接替連拿鎮守球隊大門。米洛列既經紀人之前已經透露呢名球員非常希望加盟一支更大既球會。利物浦好想完成呢筆交易，佢地甚至願意將新特蘭舊將軒達臣黎交換。
呢名英格蘭中場係2011年從黑貓轉投紅軍，利物浦當時為佢支付左1700萬英鎊。但係最近佢出色既狀態可能會令主帥羅渣士回心轉意。此外，利物浦仲瞄準左史雲斯門將禾姆以及韋根門將阿哈比斯！