國米打算2000萬簽拿斯里,意媒:先租後買+分期付款學巴神!

足球轉會消息 於 09/03/2013 發表 收藏文章
黎自意大利媒體《足球市場》既消息話,國米可能會係今個夏天嘗試引入係曼城唔受重用既法國中場拿斯里。英國媒體話國米主席想得到拿斯里可能要支付接近2000萬歐元既轉會費,不過意大利媒體就表示,國米可能會以先租後買既方式引入拿斯里,並且將會仿照米蘭引進巴洛迪利既轉會咁樣分期支付轉會費。
法國中場拿斯里係今個賽季初仲係曼城陣中重要球員,但隨住聯賽既進行,佢已經逐漸淪為左球隊既後備。自從上年12月19日係曼城主場2:3不敵曼聯既比賽入面首發踢滿全場後,佢係隨後參加既7場比賽平均每場只係踢左32分鐘,其中係曼城2:2戰和利物浦同埋曼城2:0贏車路士既比賽入面分別只係後備出場左2分鐘同1分鐘。另外,賽季至今拿斯里係聯賽同歐聯累績只係為曼城貢獻左2球入球同3次助攻,咁既成績實在係令人難以滿意。

拿斯里同曼城既合同原本將會係2015年6月到期,但如今睇黎今年夏天拿斯里就逃離曼城。據英國媒體報導,拿斯里已經要求佢既經紀人為自己尋找一個新既東家,拿斯里本人已經好確定自己係曼城已經無左生存既空間。
拿斯里想離開曼城,文仙尼似乎一早已經想擺脫佢,呢個自然會令其它球會睇到引入拿斯里既機會。係拿斯里既眾多追求者之中,其中就有黎自意大利既國際米蘭,其實早係2011年國米就曾經想引入拿斯里,但最終未能如願。

英國一間叫“Metro.co.uk”既媒體係傾到呢一個可能既轉會時聲稱,如果國米想要得到拿斯里,咁國米可能要支付大約2000萬歐元既轉會費。但熟識意甲既球迷都知道,直接拎出2000萬歐元對於國米黎講係非常困難。所以意大利既《足球市場》就分析話,國米引入拿斯里既方式最有可能既都係“先租後買”,而且國米仲會仿照米蘭引進巴洛迪利既轉會咁樣分期黎支付拿斯里既轉會費!

留言


請按此登錄後留言。未成為會員? 立即註冊
  • Raitan 於 09/03/2013 評論 NO. 1

    wawa

  • dannychong503 於 09/03/2013 評論 NO. 2

    可悲的拿仔

  • 撒旦 於 09/03/2013 評論 NO. 3

    國米又燒銀紙

快捷鍵:←
快捷鍵:→