利物浦夏天籌劃大清洗，六名球員進入清洗名單！ 精選

根據《鏡報》報導，利物浦主帥羅渣士計劃夏天對球隊陣容進行大清洗，咁將會係佢對球隊改造既第二階段！
根據報導指，愛爾蘭人可能出售多名目前一線隊主力，為新球員騰出空間。包括門將連拿、中堅史基度爾、左閘安歷基、翼鋒唐寧、中場軒達臣以及目前正租借係韋斯咸既卡路爾都是羅渣士可能出售既人選。呢啲球員其中有5人參加左0:2不敵辛尼特既比賽，呢場失利似乎預告住利物浦需要有更多既改變。
羅渣士希望通過出售呢啲球員獲得更多資金，以引入更多自己鍾意既球員，並且留住球隊頭號射​​手蘇亞雷斯。有晏菲路既消息人士告話俾《鏡報》聽：“主教練宜家已經為球隊風格打上左自己既烙印，但係下個賽季將會更加重要。利物浦有好多有才華既球員，但係球隊需要有堅強意志同高質素既球員，能夠係重重壓力下施展本領。”
報導認為，史基度爾可能俾利物浦以1200萬英鎊賣番俾斯洛伐克球星既老東家辛尼特，咁將會令羅渣士有資金購買其舊部史雲斯隊長威廉士。而2005年加盟利物浦既連拿都可能離開球隊，羅渣士正係度尋找一名新門將！