洛杉磯銀河四大條件引誘林柏特！ 精選

車路士中場林柏特未來既去向有望進一步明朗！星期日出版既《人物報》披露，為左吸引呢名英格蘭球星加盟，美國大聯盟冠軍洛杉磯銀河已經向佢開出左四大條件，其中之一就係可以比佢係休季既3個月期間租借番去歐洲球隊效力，同當年既碧咸一樣！
林柏特同車路士既合同到呢個賽季尾就到期，之前盛傳車路士已經決定唔同鐵人續約，但係隨住林柏特既狀態一場俾一場好，外界紛紛呼籲阿布回心轉意留住仲係巔峰狀態既鐵人，避免重蹈杜奧巴既覆轍。而日前都有消息傳出，車路士高層既態度已經有左鬆動，並開始同林柏特傾續約，但係到目前為止，車路士方面仍然仲未向鐵人提供一份新合同。

而AC米蘭、祖雲達斯等球隊都係到留意林柏特既續約情況，甚至連曼聯都對鐵人虎視眈眈。不過，最想得到林柏特既球隊莫過於洛杉磯銀河啦，自從收購左碧咸既洛杉磯一心要將“英格蘭路線”走落去，佢地已經同林柏特講左，除左可以係休季3個月番去歐洲聯賽效力之外，林柏特仲可以得到同碧咸一樣450萬美元年薪既兩年半合同、銀河仲會為佢提供免費既居住地，以及來回英國同洛杉磯既頭等艙機票。當然，最令林柏特心動既就係可以係美國大聯盟休季期番去歐洲踢波。美國大聯盟賽季係每年既3月踢到11月，休季期岩岩好係歐聯激戰既時候，鶴臣已經明確表示，希望林柏特可以留係歐洲聯賽踢波，以保持出色既狀態為英格蘭隊效力，到時林柏特租借歐洲聯賽踢波，效果同樣唔會差。

《人物報》指出，林柏特最想留番係車路士，但從目前情況黎睇，阿布無咩可能為佢開出超過兩年既新合同，如今洛杉磯豐厚既合同或者會讓鐵人改變心意加入美國大聯盟！