曼城新前鋒人選：阿士東維拉前鋒賓迪基！ 精選

據英國媒體報導，曼城有意以2000萬英鎊引入正係度努力護級既阿士東維拉前鋒賓迪基！
曼城主帥文仙尼計劃引入阿士東維拉射手賓迪基以代替已經轉會到AC米蘭既巴洛迪利留低既空缺。由於曼城另一名前鋒迪斯高係球隊既未來都唔明朗，文仙尼覺得下個賽季佢需要係鋒線上引入一名衝擊型前鋒，當然前提係佢能夠繼續留任！

今個賽季賓迪基係轉會到阿士東維拉之後表現出色，佢既轉會費最高可以達到900萬英鎊。但係如果曼城想得到佢既話，藍月亮最少要俾呢個價格既2倍。但係係出售左巴洛迪利之後，資金對曼城黎講並唔係問題，而意大利人既離走都幫球隊既陣容留低左一個空缺。
曼城首席球探之前已經考察左賓迪基係對愛華頓既表現，雖然曼城都係度考慮拿坡里射手卡雲尼，但係賓迪基好明顯更加容易獲得！