費蘭尼：車路士你係買我就快啲報價啦！ 精選

當弱隊誕生一名巨星球員之後，對於球隊黎講可以講係有喜有憂，喜既係球隊實力將會大幅提升，憂既係小廟難容大神，各間豪門一定會搶球星。愛華頓當家球星費蘭尼早已經動左轉會既念頭，據《太陽報》既最新消息，費蘭尼親口督促車路士如果有意買佢既話就盡快報價。
係啱啱結束既冬季轉會期入面，關於愛華頓神塔費蘭尼將會轉會既傳聞早已經鬧得沸沸揚揚。不過直到交易期限截止之後，費蘭尼依舊留係愛華頓陣中，對於呢件事呢位比利時球星有啲等唔切。根據《太陽報》既最新消息，係接受採訪果陣，費蘭尼對於豪門球隊唔出手既行為感到不滿，佢督促傳聞對於佢有意既車路士盡快向愛華頓提出報價！

費蘭尼話俾記者知：“如果車路士想簽我既話，咁就請藍軍盡快提出報價。我有聽過佢地想引入我既傳聞，但係我咩都唔能想講，因為佢地無作出任何行動。每個賽季都有豪門球隊想引入我，但係能夠為愛華頓效力，我感到非常高興！”
今個賽季係莫耶斯既帶領之下，愛華頓穩步向前，好有可能向歐聯席位發起衝擊。對於呢件事費蘭尼都講到：“如果能夠代表愛華頓參加歐聯，果種感覺肯定俾代表車路士參加歐聯更加令人興奮。話哂係愛華頓俾左我係英超成名既機會！”