費倫天拿夏天欲簽下托利斯與波連尼！ 精選

無耐之前費倫天拿簽左意大利國腳羅斯既轉會曾經令意大利各大媒體感到非常意外，而係今個夏天既轉會市場上，費倫天拿或許會有更加令人意外既轉會。因為有消息指，費倫天拿已經將今夏既引援目標鎖定左係托利斯同波連尼兩人身上！
費倫天拿係簽下左羅斯之後，開始提前準備夏季既引援，而引援既目標都令人稍為感到意外，因為其中一人就係車路士前鋒托利斯。意大利媒體《足球市場》指，雖然車路士老闆阿布之前一直好鍾意托利斯，但係宜家呢位老闆對托利斯既態度已經變左，另外由於車路士唔想將托利斯賣俾英超其它球隊，所以費倫天拿得到托利斯既機會都幾大。今個賽季至今，托利斯係出場既25場英超比賽入面攻入7球助攻3球，咁既成績仲算過得去，但係係球迷角度睇黎，其實佢應該做得更加好一啲！

除左托利斯之外，利物浦前鋒波連尼都係佛倫天拿今夏引援既目標之一。據《意大利足球網》透露，費倫天拿體育總監已經就波連尼既轉會同利物浦高層進行過接洽。波連尼今個賽季初以1300萬歐元既價格從羅馬轉會至利物浦，但係賽季過左一半，佢大部分時間都係病床上面度過，係利物浦佢並無取得理想既成績。賽季至今佢係聯賽方面只係為紅軍踢過7場，累計出場時間386分鐘，係呢段期間入面無入過波同助攻！費倫天拿現時暫列意甲第6位，距離排名第三既拉素只有4分差距，咁既表現對於費倫天拿黎講已經算係一個唔錯既成績。如果跟住落黎既比賽佢地能夠繼續有出色既發揮，獲得下個賽季既歐聯資格對於紫百合黎講並唔係無可能。主教練有作為，老闆又肯用錢，費倫天拿既複興可以講係指日可待！