曼城夏天打算重建球隊，九名球員列入清洗名單！ 精選

有錢辦唔到既事？肯定有！曼城老闆對呢件事就深信不疑，靠住巨資買入既陣容，藍月亮上個賽季相隔44年重奪聯賽冠軍，咁令到曼城老闆相信錢能夠買到冠軍，如果攞唔到冠軍，咁一定係錢砸得仲唔夠多。於是乎，睇到曼城今個賽季係聯賽同歐聯雙線敗退之後，曼城已經決定今夏推倒重建，重新購買幾位巨星。而買人既第一步係清洗隊內多位巨星，俾新人騰出位置。據報導，迪維斯、拿斯里、迪斯高等人都會遭到清洗。
迪維斯係呢份清洗名單入面名氣最大，亦都係離隊可能性最大既球星。之前一段時間，迪維斯曾經公開表示自己想番阿根廷踢波，媒體都爆料指佢已經拒絕左曼城方面既續約要求，呢啲做法都令曼城管理層好嬲。佢地認為迪維斯係度挽緊球隊，唔尊重球隊，迪維斯都因此成為曼城今夏鐵心賣走既一人。

迪維斯同曼城既合同仲剩低18個月，今夏係曼城賣走迪維斯既最好時機，一旦迪維斯合同到期，曼城將面臨人才兩空既局面。根據英媒體《每日鏡報》既消息，曼城已經表示只要價格合適，佢地願意接受任何球隊既報價，佢地想用迪維斯賺啲轉會費。
除了迪維斯，另外幾名球星迪斯高、拿斯里、列史葛、史葛冼佳亞、高拉洛夫同馬干既名都係曼城既清洗名單之中。迪斯高同拿斯里係曼城既表現同自己既高額轉會費並唔相符，迪斯高間唔中後備出場救主，拿斯里就令人非常失望，佢不但失去自己成名既犀利突破同高效傳球，並多次成為球隊輸球既罪人。曼徹斯特打比戰入面，就係因為佢既失誤，曼城先係主場2:3輸波。當時，佢就俾曼城球迷大鬧為懦夫。
列史葛早就應該走人。1月份既冬季轉會窗口開啟之前，英國媒體就多次爆料指曼城有意將佢賣走，但無奈列史葛本人並唔想走，佢拒絕被交易，另外，對佢有意既球隊都少之有少，呢筆轉會最終並無成交。但躲得一時躲唔到一世，列史葛今夏離隊可能性極大。
根據報導，除左以上幾名球星，兩名中場大將巴利同米拿都將會俾曼城賣走。呢個月就年滿32歲既巴利並唔符合曼城追求年輕化既建隊方針，佢遭裁員既原因同另一名巴西老將馬干一樣，前世界第一右後衛係曼城並未能發揮出餘熱，被賣走已經係難以避免既事情。知情人透露，文仙尼已經同球隊主席、經理三方會面討論球隊重建方針既計劃，佢地要做既第一步就係將隊內呢啲價值唔高既球星賣走，俾新援騰出位置，呢個夏天，曼城方面會特別忙碌。考慮到曼城當初引入迪維斯等人果陣都係花左巨資，如今賣掉呢班人一定收唔番當初既成本，但係曼城老闆並唔在乎，佢只要冠軍。相比冠軍，虧啲錢已經唔算得係咩。