皇馬球迷最希望買施華法卡奧，伊斯高巴爾緊隨期後！ 精選

佩雷拉將會引援既對象，分別為西班牙本土球員同外籍球員。最近《馬卡報》公佈左調查結果，本土球員入面大衛施華支持率最高，外籍球員入面皇馬會員就最希望得到法卡奧！

係所有球員入面，大衛施華係皇馬會員最想要既，佢既支持率達到左76.7%。皇馬如今力量有餘但技術不足，皇馬會員將大衛施華視為解決呢一個難題既關鍵先生。大衛施華能夠出現係左右翼鋒同前腰既位置上，佢都符合佩雷拉本土化既引援政策。係2010年夏天，佩雷拉原本已經同華倫西亞傾掂左大衛施華既轉會。但係由於佩雷拉認為大衛施華對抗能力唔強，華倫西亞所以先將大衛施華賣俾曼城！係外籍球員入面，法卡奧得到70.7%既支持率。如果皇馬能夠得到法卡奧既話，白衣軍團既鋒線效率不但能夠大大提升，同時亦都能夠直接打擊同城死敵馬德里體育會。馬體會如今有左復甦既跡象，但係如果失去法卡奧，床單軍團好可能會番到以前！係西班牙本土球員入面，伊斯高既支持率為48.2%，呢一個數據僅次於大衛施華。係馬拉加，伊斯高越黎越有新恩尼斯達既風采。係外籍球員入面，巴爾以46%既支持率排名第二。考慮到C朗有可能離隊，皇馬需要係左翼鋒位置上有所動作！
阿古路同尼馬都曾經係佩雷拉急住得到既球員，但係前者因為馬體會既原因所以加盟曼城，後者就選擇留守山度士等待巴塞既召喚。呢兩名球員如今係皇馬會員中支持率都唔高，阿古路既支持率只係得36.2%，尼馬既支持率就只係得24%！