英超史上十大超值引援！ 精選

1.米祖
呢個應該係今個賽季英超最令人驚訝既收購，史雲斯只係用左200萬英鎊，從華歷簡奴得到西班牙人米祖。英超21輪過後米祖攻入13球，僅次於雲佩斯同蘇亞雷斯！
2.安歷卡
1997年雲加從巴黎聖日耳門以50萬英鎊既低價引入安歷卡。係阿仙奴兩年，安歷卡幫球隊攞到兩個冠軍，後來阿仙奴賣左安歷卡，賺左2300萬英鎊！
3.舒米高1991年8月，費格遜用左50.5萬英鎊從丹麥既邦比足球會引入舒米高。費格遜曾經形容，曼聯收購舒米高係“世紀最佳交易”，咁並唔誇張。舒米高係曼聯9年，一共獲得5個英超冠軍，3個足總杯，1個聯賽杯，1個歐聯冠軍獎杯！
4.丹巴巴亞
塞內加爾前鋒原本係賀芬咸效力，曾經因為體檢唔過關俾史篤城退貨。2011年年初被租借到韋斯咸。係鐵鎚幫效力半年攻入7球，2011年夏天丹巴巴亞成為自由球員，紐卡素將佢招致麾下，零身價既丹巴巴亞係2011-12賽季係英超攻入16球。宜家，車路士700萬得到丹巴巴亞！5.雲佩斯
2004年5月，雲佩斯以275萬英鎊既身價加盟阿仙奴，而係佢加盟果陣，雲加就預言佢會成為柏金既接班人。從2004年至2011年，雲佩斯為阿仙奴攻入96個聯賽入球。因為對冠軍既渴望，雲佩斯選擇加盟曼聯，身價漲左大約10倍，達到2400萬！
6.添-卡希爾
2004-05賽季，添-卡希爾以150萬英鎊從米禾爾轉會到愛華頓。澳洲人成為隊內最佳射手同MVP，並且幫愛華頓攞到聯賽第4名。2006年10月佢甚至入選歐洲金球獎既50人候選名單，呢個係18年入面第一個入選既愛華頓球員。係拖肥糖8個賽季，卡希爾278場奉獻68球38次助攻！
7.簡東拿
呢個又係費格遜既轉會妙筆，1992年，曼聯以120萬英鎊從列斯聯得到簡東拿，143場英超攻入64球，更重要既係，簡東拿係曼聯既國王！8.C朗拿度
2003年夏天，曼聯以1240萬英鎊既價格引入得18歲既士砵亭天才“小C朗”，係費格遜既培養下，C朗成為世界上最好既球星，2009年離開曼聯，為球隊留低8000萬巨額。費格遜一直都認為，佢執教生涯中最好既球員就係C朗！
9.蘇斯克查
曼聯既"娃娃臉殺手”蘇斯克查，從挪威既莫迪黎到曼聯，只係用左球隊150萬英鎊。係曼聯11年，蘇斯克查攞到6個聯賽冠軍。當然，最經典既都係1999年既歐聯決賽，蘇斯克查既入波幫曼聯2:1逆轉，紅魔奪得左歐聯冠軍！
10.祖赫特
祖赫特宜家係曼城同英格蘭既一號人物，係2006年曼城從梳士貝利簽左祖赫時，只係用左60萬。宜家既祖赫特，被認為係當今歐洲最頂尖既五大門將之一！