C朗拒絕同皇馬續約既消息一早係上年年尾既時候就俾《阿斯報》獨家曝光，自從果次之後，皇馬勸C朗續約既消息就無見過報。就係琴日，C朗出席新聞發布會時亦都親口表示：“續約件事之前已經傾過啦，我唔會再講呢件事，佢並唔重要，重要既係我地要去贏哂跟住既比賽。” C朗到底點諗呢？《巴黎人報》所帶黎既最新消息，答案已經知道！
巴黎聖日耳門俾大財團收購之後成為左全歐洲燒錢能力數一數二既球會，伊巴謙莫域、堤亞高施華、拿維斯等等當紅球星都俾巴黎聖日耳門網羅，而對於未來最應該試下買邊位球星，巴黎聖日耳門方面覺得，果個人一定係C朗。此外，如果可以將摩連奴一齊簽埋，巴黎聖日耳門自然喜不勝收，事實上就係上年年尾，巴黎聖日耳門方面就有高層親口表示，佢地希望引入C朗同摩連奴！C朗同摩連奴既經理人都好傾向運作呢一系列既轉會，因為可以從中賺取唔少既佣金，係過去相當長既一段時間以黎，佢地既經理人一直都同巴黎聖日耳門既老闆保持住密切聯繫，近期仲係巴黎既一間酒店見面，而一位接近巴黎聖日耳門既老闆既知情人透露，佢已經決定今個夏天向C朗同摩連奴發動攻勢，呢位知情人士話：“老闆堅持認為摩連奴同C朗應該係下個賽季加盟巴黎聖日耳門。呢個係最好既機會，如果今個夏天唔能夠引入佢地，咁就永遠都無機會啦。”
摩連奴係咪同意下個賽季執教巴黎聖日耳門？而C朗又同佢一齊去？相關消息之前並無俾任何媒體曝光，但就係昨天既《巴黎人報》透露， 法國CANAL+電視台既記者已經知道，C朗同意係下個賽季轉投巴黎聖日耳門，但係摩連奴就唔願意同愛徒一齊前往法國首都。之外《巴黎人報》仲係相關報導入面指出，巴黎聖日耳門願意為C朗支付天價轉會費！
基於之前好多媒體早就透露，巴黎聖日耳門為C朗準備好既收購預算係1億歐元，所以巴黎聖日耳門既報價好有可能會達到呢個金額，而係皇馬睇黎，1億歐元就想買走C朗係無乜可能。上年12月中《機密報》曾經透露，如果唔開心既C朗堅持要求轉會，皇馬就將會為佢標出1.5億歐元既售價。《阿斯報》都有消息指，C朗打算係皇馬效力到合同完，姐係2015年夏天，到時佢會選擇以自由球員既身份番到曼聯。 除此之外，英國媒體《太陽報》亦曾經係上個星期透露，曼聯決心係今個夏天攞出6000萬英鎊求購C朗，同時仲願意將迪基亞同蘭尼送到班拿貝！
摩連奴會同C朗分道揚鑣？宜家有消息指得番曼聯同巴黎聖日耳門爭緊C朗同摩連奴，而筆者覺得曼聯既可能性會大啲！係早前C朗親口承認想番曼聯，諗到費格遜又可能會係幾年內退休，一次過打包佢地兩個就最好不過啦！不過佢地兩個既轉會費都幾貴下....
巴黎聖日耳門俾大財團收購之後成為左全歐洲燒錢能力數一數二既球會，伊巴謙莫域、堤亞高施華、拿維斯等等當紅球星都俾巴黎聖日耳門網羅，而對於未來最應該試下買邊位球星，巴黎聖日耳門方面覺得，果個人一定係C朗。此外，如果可以將摩連奴一齊簽埋，巴黎聖日耳門自然喜不勝收，事實上就係上年年尾，巴黎聖日耳門方面就有高層親口表示，佢地希望引入C朗同摩連奴！C朗同摩連奴既經理人都好傾向運作呢一系列既轉會，因為可以從中賺取唔少既佣金，係過去相當長既一段時間以黎，佢地既經理人一直都同巴黎聖日耳門既老闆保持住密切聯繫，近期仲係巴黎既一間酒店見面，而一位接近巴黎聖日耳門既老闆既知情人透露，佢已經決定今個夏天向C朗同摩連奴發動攻勢，呢位知情人士話：“老闆堅持認為摩連奴同C朗應該係下個賽季加盟巴黎聖日耳門。呢個係最好既機會，如果今個夏天唔能夠引入佢地，咁就永遠都無機會啦。”
摩連奴係咪同意下個賽季執教巴黎聖日耳門？而C朗又同佢一齊去？相關消息之前並無俾任何媒體曝光，但就係昨天既《巴黎人報》透露， 法國CANAL+電視台既記者已經知道，C朗同意係下個賽季轉投巴黎聖日耳門，但係摩連奴就唔願意同愛徒一齊前往法國首都。之外《巴黎人報》仲係相關報導入面指出，巴黎聖日耳門願意為C朗支付天價轉會費！
基於之前好多媒體早就透露，巴黎聖日耳門為C朗準備好既收購預算係1億歐元，所以巴黎聖日耳門既報價好有可能會達到呢個金額，而係皇馬睇黎，1億歐元就想買走C朗係無乜可能。上年12月中《機密報》曾經透露，如果唔開心既C朗堅持要求轉會，皇馬就將會為佢標出1.5億歐元既售價。《阿斯報》都有消息指，C朗打算係皇馬效力到合同完，姐係2015年夏天，到時佢會選擇以自由球員既身份番到曼聯。 除此之外，英國媒體《太陽報》亦曾經係上個星期透露，曼聯決心係今個夏天攞出6000萬英鎊求購C朗，同時仲願意將迪基亞同蘭尼送到班拿貝！
摩連奴會同C朗分道揚鑣？宜家有消息指得番曼聯同巴黎聖日耳門爭緊C朗同摩連奴，而筆者覺得曼聯既可能性會大啲！係早前C朗親口承認想番曼聯，諗到費格遜又可能會係幾年內退休，一次過打包佢地兩個就最好不過啦！不過佢地兩個既轉會費都幾貴下....
請按此登錄後留言。未成為會員? 立即註冊