利物浦貼錢送祖高爾去韋斯咸！ 精選

1月轉會市場正式開啟，利物浦既動作出奇快，係以1200萬英鎊簽下史杜列治之後，球隊既清洗工作都係度進行中！英格蘭中場祖高爾好可能會加盟韋斯咸，紅軍主帥羅渣士都證實，祖高爾正係度同鐵鎚幫傾談個人條款！

祖高爾曾經係英格蘭最具靈性既中場，但係宜家佢係利物浦已經淪為剩餘品。今個賽季係羅渣士麾下，祖高爾係聯賽入面無1次首發機會（聯賽6次後備出場上陣166分鐘），佢只有係歐霸、聯賽盃呢啲次要既賽事先可以獲得正選機會。2010年，祖高爾免費加盟利物浦，所以佢獲得左紅軍開出既9萬週薪！如今，祖高爾係利物浦已經成為高薪替補，除左好難派上場之外，佢既存在對於球隊既續約都有消極作用。之前，史達寧係同利物浦談判既過程入面，就曾經搬出祖高爾呢個反面教材！
羅渣士決定係1月轉會期清除祖高爾呢個“不良資產”，利物浦3:0擊敗新特蘭賽後，羅渣士證實祖高爾已經同韋斯咸傾談個人合同，兩間球會都係度積極磋商，“我同祖高爾傾過兩次，佢宜家同韋斯咸談判緊，韋斯咸都同利物浦傾緊。呢個係星期三早啲既時候發生既事，我唔知道宜家件事進展成點。我地要睇睇係咪會發生啲咩。”
星期四出版既《太陽報》獨家披露，為左清洗祖高爾，利物浦願意一次過俾祖高爾400萬英鎊既遣散費，令球員堅定走人既念頭。400萬英鎊都係祖高爾一年既薪水。祖高爾目前既合同仲剩番18個月到期，利物浦打算提前同祖高爾解約，以促成佢免費加盟韋斯咸。
係德國權威《轉會市場》網站上，祖高爾目前既市值被評估為660萬英鎊。祖高爾曾經係鐵鎚幫既青訓球員，佢曾經為韋斯咸出戰126次，2003年以650萬英鎊轉會車路士！