PSG老板卡塔爾會見佩雷斯,法媒披露雙方商談收購C朗一事

足球轉會消息 於 20/07/2015 發表 收藏文章
歐足協放寬財政政策後,法甲富豪巴黎聖日耳門再次豪購,上星期PSG老板係卡塔爾多哈會見左皇馬主席佩雷斯,商談收購C朗嘅事宜。
歐足協放寬財政政策最大嘅受益者無疑係曼城同PSG等去年被重罰嘅富豪球隊,宜家佢地唔再被束縛手腳,轉會市場又將刮起金元風暴。《法國足球》透露上星期六PSG老板同皇馬主席佩雷斯係卡塔爾多哈會面,商談一系列事宜,包括求購C朗。
該媒體稱PSG打算做出創世界紀錄嘅報價,於下季引入三屆金球先生C朗。PSG已經追求C朗多年,最近幾個月嘅消息指佩爺已經考慮出售佢扶正更年輕嘅巴爾,但PSG嘅報價必須足夠有誠意,先能夠打動佩爺,佢地開出嘅條件都必須足夠豐厚能夠說服C朗去法甲踢波。
PSG曾經豪擲創紀錄嘅6450萬歐元引入烏拉圭前鋒卡雲尼,對於佢地黎講錢唔係問題,尤其是宜家歐足協已經鬆綁。《每日電訊報》上周稱若皇馬收到1.25億歐元嘅報價可能考慮放行C朗,另外PSG仲將巨資求購迪馬利亞同熱刺法國國門洛里斯。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→