馬體會今夏求租托利斯一年，金童願意降薪番母會！ 精選

車路士既5000萬轉會費只係換來托利斯既25個入球，而金童係輸俾史雲斯後居然俾自家球迷狂噓，心灰意冷既佢無數次告訴藍軍隊友要番利物浦。《每日郵報》披露托利斯既老東家馬體會打算係夏天出手，租借佢一個賽季，據悉金童願意降薪番到馬體會。

英媒統計托利斯係車路士97場先入左25球，效率只有阿古路既三分之一，甚至唔及護級隊QPR既前鋒森莫拉。聯賽杯四強首回合輸俾史雲斯既比賽入面，托利斯碌碌無為，俾丹巴巴亞提前換下，居然俾自家球迷狂噓。今輪作客史篤城，佢坐上左後備席，而藍軍4:0大勝！心灰意冷既金童無數次告訴隊友佢要番利物浦，而部分藍軍球員好想佢番去！利物浦暫時無意回購托利斯，佢既母會馬德里體育會就願意出手拯救他。《每日郵報》稱今年夏天馬體會希望租托利斯一個賽季，唔排除永久買斷，為了番一直係心中既卡爾德隆球場，托利斯甚至願意降薪，佢宜家既週薪高達18萬英鎊！
一名消息人士稱：“馬體會愛托利斯，托利斯都愛馬體會。要轉會馬體會，佢可能要降薪，但係咁係天造之合。”上年8月托利斯毫不掩飾佢​​對馬體會既懷念：“我無掩飾自己，無掩飾我支持邊隊球隊，虧欠邊隊球隊最多，我希望一直都係咁。”托利斯係馬體會既寵兒，係果度佢兩場比賽就可以入1球，出道於馬體會青訓營既佢一共為一隊攻入左75球！
除了馬體會，前車路士主帥執教既摩納哥都對托利斯有興趣，前提係佢地升上法甲，而PSG主帥安察洛堤今個夏天都會求購佢。另外祖雲達斯都係度密切關注托利斯既情況，佢地都知道佢係車路士好唔開心！