馬斯查蘭奴未來成疑，利物浦或將回購阿根廷人 精選

今年夏天，利物浦响引援方面繼續用前幾年大手筆既勢頭。引入好多名球員之後，紅軍未有就咁收手既打算，甚至想挖巴塞既角，而睇中既對象竟然係前紅軍中場大將馬斯查蘭奴。
8月11號，英國權威體育媒體《天空體育》報導稱由於巴塞新帥馬天奴既臨時上任，馬斯查蘭奴唔一定有明確既未來，而且有西班牙當地媒體認為利物浦已經開始著手準備回購呢名昔日大將。

而馬斯查蘭奴本人係接受西班牙《國家報》記者採訪時流露出對3年半紅軍生涯既懷念之情。此外，佢仲講到：「响職業足球既世界入面，你從來唔會知道將會發生咩事，你必須為有可能發生既事做好準備。宜家有球隊對我有興趣，但係仲未提供報價。如果巴塞真係唔需要我，我會好快離開。」
現年29歲既馬斯查蘭奴，係2010年8月正式由利物浦離開轉投巴塞。响巴塞效力既3個賽季，小馬哥係主力防中位置上根本無辦法贏到布斯基斯，反而經常响佩奧爾或者碧基受傷既情況下出現係自己唔熟悉既中堅位置。今夏，巴塞非常迫切想補進實力派中堅既情況下，馬斯查蘭奴响新賽季好有可能無法保證自己穩定出場。
而且2014年巴西世界杯即將黎到，為保證自己係阿根廷國家隊既主力中場位置，馬斯查蘭奴勢必係球會有足夠既出場機會。外界普遍認為，如果馬斯查蘭奴真係離開巴塞重返利物浦，對於佢本人同紅軍都係一個唔錯既決定。