首輪英超失利急需引援增強,新特蘭欲簽下熱刺中場

足球轉會消息 於 16/08/2015 發表 收藏文章
《每日鏡報》報道,新特蘭有意簽下熱刺中場迪比利。球員方面態度較為開放,迪比利明確表示想得到更多上場,並願意為此轉會。而熱刺主帥普捷天奴就依然將迪比利視為未來計劃嘅一部分。
雖然新特蘭方面好有誠意,但係熱刺方面係呢個夏天都無咩斬獲,所以並唔係好想放走呢名比利時球星。況且佢嘅身價高達1500英鎊,新特蘭能唔能夠俾得起咁高嘅轉會費都係個疑問。迪比利上季只獲得十次正選上陣嘅機會,整個賽季只為熱刺貢獻一個入球,發揮十分不如人意。由於出年就係歐國杯,為左可以攞到代表比利時隊出征法國嘅票券,迪比利有意改變環境爭取更多上場時間。
由於新特蘭係呢個夏天購買左熱刺後衛卡保奧,從而結下唔錯嘅關系。不過新賽季首輪英超比賽上熱刺主帥安排左迪比利正選出任翼鋒,似乎普捷天奴依舊視佢為球隊未來嘅一部分。除非新特蘭能夠開出熱刺方面覺得合理嘅價格,否則黑貓好難得到迪比利。

如果喜歡我們的文章,請即分享到︰

留言


請按此登錄後留言。未成為會員? 立即註冊
快捷鍵:←
快捷鍵:→