雲加7000萬準備收購德甲三星!

足球轉會消息 於 03/04/2013 發表 收藏文章
據《鏡報》報導,阿仙奴主帥雲加準備投入7000萬英鎊打包德甲三位年輕球星葛斯,拉斯賓達同利雲杜夫斯基。
雲加準備係今年夏天實施呢一項價值7000萬英鎊既打包計劃。雲加有三位德甲引援目標,佢準備投入球會史無前例既大手筆黎重建阿仙奴。阿仙奴既三位引援目標分別係多蒙特既利雲杜夫斯基同葛斯,仲有利華古遜既拉斯賓達。
多蒙特前鋒利雲杜夫斯基既身價大約係2500萬英鎊,佢同時都受到黎自曼聯,車路士仲有拜仁既追逐,但係雲加都想將呢位24歲既波蘭國腳引入酋長球場。利雲杜夫斯基既隊友葛斯係宜家德國技術最好既年輕球員。年僅20歲既佢已經係德國國家隊既成員。而下個月就滿24歲既賓達,係另一位雲加非常想引入既德國國腳。今季佢係利華古遜既發揮相當出色。
由於迪亞比係球隊訓練入面膝蓋嚴重受傷,所以佢直到出年先會復出。咁既情況或者係促使雲加做出大手筆引援既最主要原因!

留言


請按此登錄後留言。未成為會員? 立即註冊
    快捷鍵:←
    快捷鍵:→