雲加鎖定德國超新星，天才中堅或將取代隊長 精選

根據英國媒體《每日鏡報》指，阿仙奴主帥雲加，宜家已經將引援既目光放左响現效力於德甲弗賴堡既中堅根達身上。雲加希望引入呢位20歲德國小將黎填補呢個夏天極有可能離隊既隊長華美倫，據悉呢位小將既身價大概500萬英鎊。
今季弗賴堡表現唔夠好，28輪既聯賽之後僅僅得29分排倒數第六，前幾季曾經大放異彩既黑森林宜家已經陷入護級泥潭，但係咁樣未有影響到根達自己既前程。憑藉住係弗賴堡出色既表現，佢已經成功入選德國國家隊，並且非常有希望參加今年夏天既世界杯，吸引更多間大球隊既關注。
根達係德國足壇近年黎湧現大批天才球員入面既代表人物。佢10歲就加入弗賴堡青訓營，並且迅速打好根基。雖然弗賴堡係德甲內並非一支傳統豪門強隊，但係球隊多年黎穩打穩紮既風格就係德國國內非常受球迷尊敬。响弗賴堡投資既足球學校建成時，漢尼斯就表示：「弗賴堡係一間偉大既球隊，佢地有偉大既夢想，從來唔會盲目去做一件事，非常踏實。並且，佢地既年輕球員都有好好既天賦。」
處於良好既足球氛圍入面，根達先開始茁壯成長。當佢仲係U12既時候，佢已經被當時既教練認定佢既能力完全可以應付U15,16既比賽。而代表U15，U17，U19分別參加三次盃賽，並且兩次奪冠。

根達仲曾經打過前鋒，而且打得唔錯。佢18歲生日後既第二日，根達對陣奧格斯堡既比賽入面作為臨時前鋒，並且交出致勝入球。而係U19，根達係2010-2011賽季中出場25次交出14個入球。而宜家呢位個天才已經成功轉型為一個優秀既防中及中堅。
雖然宜家同阿仙奴競爭根達既球隊唔少，例如英超範圍內仲有曼聯，但係雲加手中握有勝券，就係佢同弗賴堡既良好關係，弗賴堡現陣中球員高基連就係由阿仙奴租借到黑森林，所以雲加對於得到呢位德國新星非常有信心。