雲加繼續出手增兵，德國邊路好手成目標！ 精選

雲加承認未來會延續砸錢買人，為左結束8年無冠既尷尬，「教授」真係俾哂心機係轉會市場上。英國媒體就曝光左阿仙奴既最新獵物：慕遜加柏邊路球員靴文。
球隊表現不佳，應該求助外援救急；球隊表現出色，更加要通過球市黎助推爭冠霸業。雲加為左結束冠軍荒今夏就令,球迷大吃一驚，佢用4250萬英鎊既創紀錄價格收購奧斯爾，昭示阿仙奴唔再會係球市上精打細算。

冬季轉會市場，雲加將繼續慷慨解囊，阿仙奴既頭號要務係增補一名射手。不過，為左充實​​板凳深度，雲加都打起左邊路球員既主意。今季，禾確特、張伯倫同普多斯基三大飛翼既受傷，令雲加好被動。法國人希望係邊路再購入一名好手，以備不時之需。
現年22歲既靴文年紀輕輕，好啱雲加既胃口。早係2011年，佢就上左阿仙奴既雷達。如今，阿仙奴覺得時機成熟準備收網。今季，慕遜加柏開局唔差，8輪聯賽4勝1平3負積13分位列第四。靴文居功至偉，8場聯賽上陣623分鐘，貢獻1球2助攻。
靴文係德甲征戰5個賽季，關注佢既自然唔會只係有阿仙奴一間。今夏熱刺打過佢既主意，祖雲達斯據說宜家都睇上左佢。因此，雲加要收購呢個人仲唔能夠掉以輕心。《快報》為靴文估價為1300萬英鎊。如果靴文加盟阿仙奴，咁阿仙奴既「德國幫」將繼續擴軍，如今隊中已經有左梅迪薩卡、普多斯基、奧斯爾呢三人。