雲加為法明尼尋找拍檔,將向西布朗防中報價

足球轉會消息 於 31/10/2013 發表 收藏文章
阿迪達被紅牌離場既不利局面之下,阿仙奴艱難擊敗水晶宮,不過槍迷不免對法明尼傷退揪心不已。為左為法明尼搵到一個合適既幫手,英媒透露雲加打算响一月出700萬英鎊,收購西布朗球員梅林保。
桑治轉會巴塞後,迪亞比曾經短暫踢出過亮眼表現。但係「新韋拉」仲係未能夠擺脫傷病既陰影,好快就大休闊別賽場。日前雲加證實,迪亞比又做左手術,出年三月先可能回歸。咁姐係話阿仙奴係防中呢個位置上實在有啲捉襟見肘。
雖然韋舒亞同阿迪達都可以打防中,但係兩人屬於技術型球員,並非法明尼咁樣防守彪悍既球員類型。阿仙奴今季之所以能領跑積分榜,同法明尼响中場既保護密不可分。雲加對法明尼既表現讚不絕口,「教授」都好清楚,防中對於球隊既重要性。
《星期日鏡報》透露,之前雲加曾經派球探去到史篤城主場,現場考察左西布朗防中梅林保係客場同史篤城一戰既表現。好明顯,雲加對球探報告甚為滿意。為左打破長達8年既冠軍荒,雲加準備响冬窗繼續買人壯大實力。

按照《鏡報》既講法,雲加已經擬定好收購梅林保既方案。據悉,阿仙奴將為呢位剛果國腳掏出700萬英鎊既轉會費。宜家既問題係,西布朗願唔願意放走佢,畢竟佢今夏先岩岩續約。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→