雲加欲購戴斯拿打造成另一個雲佩斯

足球轉會消息 於 27/01/2014 發表 收藏文章
執教阿仙奴18年,雲加育人無數。眼光精明既法國老帥,好擅長發掘出球員既最大潛能。《每日鏡報》最近既獨家消息指出,呢一刻「教授」好希望能夠簽下史浩克新星戴斯拿,並將佢打造成新既雲佩斯。
當年雲佩斯加盟阿仙奴果陣,佢係飛燕諾踢得最多既位置係翼鋒同攻擊型中場。雲加經過數年既栽培,將荷蘭人培育成為一部入球機器。如今,雲加又有左新既鍛造目標,佢睇上左史浩克04既戴斯拿。
戴斯拿踢波聰明、技術細膩,厭加深信佢非常契合自己既傳控哲學。早係上年夏天,雲加就打過戴斯拿既主意。即便如今雲加重金買入左奧斯爾,佢都係對戴斯拿念念不忘。係雲加既藍圖入面,德國人未來係踢中鋒既材料。

係史浩克,戴斯拿最習慣踢既係攻擊型中場,間唔中佢都能夠客串翼鋒。雲加相信,只要經過佢既打磨,戴斯拿將來能夠轉型為中鋒。禾確特賽季報銷後,雲加加速左增補中鋒既進程,戴斯拿就係理想之選。據了解,戴斯拿目前既合同中有3500萬英鎊買斷條款,雲加願意為佢等到今夏,不過最新消息指,法國人都係好想一月就將佢簽下,因為咁對於阿仙奴衝擊英超同歐聯大有益處。
阿仙奴目前不乏德國球員,華美倫同阿迪達缺陣果陣,梅迪薩卡成為球隊既隊長,奧斯爾、普多斯基同基拿比既存在,肯定有助於戴斯拿融入球隊。《鏡報》仲特別提到一點,雲加想將戴斯拿未來打造成中鋒,咁從側面都反映出雲加想係酋長球場長做落去,或者佢既續約都唔遠啦。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→