雲加新箭頭目標：一月租借祖雲達斯失意前鋒！ 精選

雖然阿仙奴今季係英超高歌猛進（係首輪輸波後），但係雲加仍然為球隊目前只有一個正宗中鋒基奧特而擔心，畢竟如果三線作戰，單靠一個基奧特或者將禾確特推上鋒線都係唔夠用。而《鏡報》同《郵報》同時披露，阿仙奴打算係1月租借係祖雲達斯​​打不上主力既西班牙高大中鋒洛蘭迪。
身高1.95米既洛蘭迪都係係今年夏天加盟祖雲達斯，不過，佢係都靈就淪為另一個新援迪維斯既替補，新賽季開始後，呢名西班牙前鋒僅僅係聯賽獲得158分鐘出場時間。《鏡報》指出，為左能夠成為西班牙隊參加巴西世界杯中既一員，洛蘭迪宜家非常渴望能夠得到經常出場既機會。
其實早係今年夏天，雲加就到處尋找新前鋒，但係從希古恩到蘇亞雷斯再到朗尼，教授一一都失敗。《鏡報》指出，從目前既情況黎睇，希古恩已經係意甲安定落黎，得到莫耶斯重用既朗尼都係近日宣布佢已經重新享受足球，而類似情況既蘇亞雷斯都唔大可能係1月離開利物浦，雲加必須再考慮其他人選。
加上1月並唔係一個收購球員既最佳時機，租借就係唔錯既選擇。《鏡報》指出，如果阿仙奴係出年1月係各條戰線上有唔錯既成績，雲加就會出手收購新既前鋒，而洛蘭迪都唔會介意短暫加盟酋長球場黎增加佢入選西班牙隊既機會。