雲加夏季購人補三大位置，迪斯高戴斯拿領銜 精選

早前關閉既冬季轉會市場，阿仙奴一無所獲，雲加注定會响今夏再有計劃。 《每日郵報》指出，阿仙奴今夏將會設法响三個不同位置簽下世界級新援，迪亞高哥斯達、迪施高、文迪蘇傑、戴斯拿等都上左收購清單。
移遷到酋長球場，阿仙奴持續幾年只可以勒緊褲頭帶度日。不過舊年夏天，雲加以4250萬英鎊既高價引入奧斯爾，暗示阿仙奴已經度過財政困境。如今阿仙奴有錢，响球市上將重新恢復購買力。可以預見既係，今夏雲加將再次帶驚喜比球迷。
《每日郵報》通過各方打聽，獲悉雲加今夏既引援方案。根據球隊既現狀，打算收購一名右閘、一位攻中以及一名前鋒。阿仙奴遍佈全球既球探網絡已經開始四處考察，制定收購目標。

係呢三個位置上，​​雲加已經有心儀既目標。最受矚目既鋒線上，馬體會神鋒迪亞高哥斯達領銜，佢今季已經响西甲射入20球，幫助球隊係西甲同歐聯雙線挺進​​；曼城前鋒迪施高同拜仁鋒霸文迪蘇傑，都係赫赫有名既箭頭；波圖既妖鋒積遜馬天尼斯，最近兩季入球率頗高。呢四大射手任得其一，都能緩解基奧特身上既壓力。
攻中位置上，雲加既不二之選，當然係史浩克04既德國國腳戴斯拿。呢位青年才俊勝任前場多個位置，深得雲加既青睞。一月阿仙奴曾報價3000萬英鎊，但未能如願引入佢。今夏，阿仙奴將捲土重來。雲加原本對卡巴耶都感興趣，但無奈巴黎聖日耳門捷足先登，意味住「教授」必定會強勢出撃，誓奪戴斯拿。
主力右閘沙格拿賽季尾合同到期，阿仙奴已經為佢開出一份為期兩年、週薪7萬英鎊既合同，但佢堅持索要3年合同，並且嚮往更高待遇。巴黎聖日耳門、摩納哥、加拉塔沙雷以及中東既富豪球隊，都用高薪引誘沙格拿加盟。雲加未雨綢繆，開始提前準備沙格拿既接班人。「教授」既理想選擇，係多蒙特既波蘭國腳比斯錫。