阿朗素選擇拜仁真相曝光，跟隨哥帥未來再回歸皇馬 精選

阿朗素嘅轉會，令皇馬高層同球迷都好震驚。幾星期前曼聯曾經追過阿朗素，當時佢還斷然否認離隊嘅可能性。阿朗素點解要離開？ 《馬卡報》有答案。最重要嘅原因，就係阿朗素係競技層面上唔再係皇馬不可缺少嘅人，卻奧斯已經可以接替佢。阿朗素並唔想自己成為伊拿拉文迪嘅成長障礙，因此選擇離開班拿貝。
《國家報》著名記者托利斯就透露左更多細節。係馬天尼斯重傷之後，哥迪奧拿打左電話俾阿朗素，邀請佢加盟拜仁。係收左線後，阿朗素即刻去會見左佩雷斯。阿朗素直言不諱咁話俾皇馬主席聽，佢希望離開班拿貝，佢想投奔哥帥。
阿朗素呢番話，一度令佩雷斯好震驚，但係皇馬主席好快就冷靜落黎。佩雷斯認為阿朗素同卻奧斯無辦法共存，如果阿朗素繼續留隊嘅話，萬一卻奧斯失去左主力位置，就會影響到佢嘅商業價值同品牌形象。而且阿朗素年齡都的確大左啲，佢唔係皇馬未來計劃之中。係經過一番溝通之後，雙方就阿朗素嘅離隊達成左共識。佩雷斯甚至通知阿朗素，退役後佢隨時可以番皇馬「就業」。
阿朗素點解選擇拜仁？拜仁嘅實力、自己嘅主力位置、體驗德甲嘅吸引力等原因均在內。但係托利斯透露左一個此前從未被曝光過嘅原因：阿朗素想學習哥帥嘅執教方式。係皇馬呢幾年，阿朗素同柏歷堅尼、摩連奴、安察洛堤等名帥都合作過，佢係西班牙隊中都同迪保斯基合作過。但係係阿朗素心中，最欽佩嘅主帥反而係出身於巴塞嘅哥帥。
阿朗素已經到左職業生涯晚年，佢必須要考慮未來規劃，佢希望係日後成為一名主教練。做教練？阿朗素決定首先向自己最欽佩嘅哥帥學習。假以時日，阿朗素有可能帶住哥帥嘅足球理念，重返班拿貝皇馬效忠。