阿仙奴計劃夏天購買新門將,鎖定6大候選人施治頭號目標!

足球轉會消息 於 27/03/2013 發表 收藏文章
最近幾場比賽,阿仙奴一號門將舒捷斯尼表現唔好,歐聯16強次回合作客挑戰拜仁慕尼黑,主帥雲加將舒捷斯尼係主力陣容撤出。可能係逐漸對球隊呢位一號門將失去信心,阿仙奴都打算係呢個夏天引入一名門將黎彌補呢個位置上既缺口。《每日郵報》就披露,阿仙奴已經列出左6名既候選人,其中車路士門神施治係佢地既首選。
雖然近年黎,倫敦球隊之間既轉會總係會引黎一啲比較大既爭議。然而阿仙奴仍然希望能夠將施治帶黎酋長球場。雖然宜家既施治仍然係車路士既一號門將,隨著如今俾車路士租借係馬體會既小門將哥圖斯回歸頂替施治既呼聲越黎越高,阿仙奴都正正睇中呢個機會,希望能夠係夏天買施治番黎。
宜家,施治同車路士之間既合同將會係2016年既夏天到期,雖然小將哥圖斯就一直被認為係施治既接班人。如果想要車路士將自己既門將咁輕易賣比自己既同城死敵應該無咁易。即係話,阿仙奴想要得到施治仲需要落一啲功夫。
與此同時,雲加之前確實係媒體面前表示將會係呢個夏天豪擲重金收購球員,而門將呢個位置都將會係雲加最希望能夠得以改善既。除施治之外,利物浦門將連拿,史篤城既比高域,巴塞門將域陀華迪斯,漢堡既艾達同埋史雲斯既禾姆都係阿仙奴可以選擇既對象。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→