阿仙奴世界杯後增加鋒線，雲加：「買人唔會太多」 精選

阿仙奴主帥雲加表示今夏將簽兩至三名新援，向下季英超冠軍進發，球隊將優先對鋒線執行進補，拜仁鋒霸文素基治同雷米係教授欽點既鋒線人選，而多蒙特中場賓達則係中場首選。
由於資金有限而且精打細算，阿仙奴每個夏天既轉會都令球迷抓狂，槍迷期待既大手筆每次都落空。呢個夏天阿仙奴一如既往，唔會有太大動作，雲加明確表示只會買兩至三人，而且因為世界杯既影響力，佢地好可能要等到7月中旬先能夠正式開展引援工作。
「夏季轉會市場會好忙碌，但重要既係保持穩定，因為我地離冠軍好近。我地想買人加強陣容，但人數唔會太多，根據我既經驗，世界杯結束前轉會市場相當安靜，冇球員可以接洽。每個球員都為國家隊全力以赴，隨隊出征，我認為今年仲要等到7月15日先可以開展引援。轉會唔係由我地講左就係，仲要取決於球員能否轉會，而出售佢地既一球會都有決定權。」
阿仙奴鋒線靠基奧特獨木難支，據悉雲加既鋒線人選主要係拜仁鋒霸文素基治以及QPR租借至紐卡素既雷米。文素基治係拜仁效率王，入球僅少於利雲度夫斯基，阿仙奴挖角既難度相當大，而雷米同QPR既合同中有解約條款，阿仙奴正研究呢一項關鍵條款。多蒙特中場賓達就係雲加既中場首選，佢由於傷病影響，落選德國世界杯陣容，而雲加可以趁早簽佢。