違反財政公平曼城將遭懲罰,一眾死敵要求將藍月亮踢出歐聯

足球轉會消息 於 09/05/2014 發表 收藏文章
違規仲想踢歐聯?你就想!曼聯、利物浦、阿仙奴同愛華頓等英超對手堅決要求歐足協嚴懲違反財政新政既曼城,將藍月亮踢出歐聯。
過去兩個球季虧損高達1.49億英鎊既曼城擺明違反左歐足聯財政公平政策,上星期歐足協球會財政控制委員會(CFCB)已經通知曼城同巴黎聖日耳門,並提供「解決方案」,即係處罰措施,而曼城同大巴黎可以接受或者拒絕。英媒普遍認為曼城唔會被踢出歐聯,佢地更有可能被處以巨額罰款或禁止買賣球員。
禁止轉會對兵多將廣既曼城黎講並非世界末日,英超對手當然清楚呢一點,包括曼聯、車路士、利物浦、熱刺、阿仙奴同愛華頓無諗住放過曼城,佢地要求歐足聯將藍月亮踢出歐聯!

歐足協財政新政規定,受到處罰措施直接影響既無辜球會如果認為處罰太輕,可以抗議,要求加刑。曼聯、車路士同阿仙奴等等都係「無辜」,因為​​佢地遵循財政新政,未被歐足協調查,小本經營既愛華頓更​加無可能違規。
歐足協正式公佈處罰決定後,佢地有10日時間上訴,而排名响曼城之後既球隊肯定唔會放過呢次既良機,若曼城被禁止參加歐聯,佢地將會係直接獲益者。歐足協將於6月中旬受理英超對手既上訴,同時公佈對拒絕「解決方案」球會既處理意見。事關重大,各方仲有權向體育仲裁法庭提出上訴,咁樣曼城會唔會被禁止踢歐聯有可能要拖到新賽季開始前。曼城主帥柏歷堅尼對此顯得相當淡定:「首先我地要知道歐足協既決定,之後我地先會發表意見。」

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • kinfung
    kinfung 於 10/05/2014 評論 NO. 1

    踢man city,剩系不停用錢買人咁其他隊仲洗挽?

快捷鍵:←
快捷鍵:→