週薪翻倍！熱刺為留核心將17萬週薪續約巴利！ 精選

巴利又一次完成左一個出色既賽季，佢囊括PFA最佳球員，最佳青年球員同FWA最佳球員三項大獎，成為左當之無愧既今季英超第一人，而上一次包攬三項大獎既球員就係C朗，巴利都正朝住C朗既方向前進，目前佢已經係英超身價最高既球員，據《轉會市場》估計，巴利目前既身價係4200萬歐元，如果巴利轉會，恐怕價格仲唔止呢個數。
咁樣既巴利自然係豪門追逐既對象，皇馬就一直關注巴利，希望能將佢招至帳下。熱刺都係幾有野心既球隊，自然不願輕易放棄自己既王牌。目前巴利既合同到2016年到期，但係熱刺為左留住巴利，已經準備提前續約，據《鏡報》披露，巴利將會係下個月同熱刺續約，佢既週薪將會翻倍，上漲到17萬英鎊！
下個月熱刺將會同巴利展開談判，不過巴利表態希望球隊能夠引進一啲頂級球員。據悉，熱刺已經同巴塞談判，希望能夠引入今季一直唔受重用既韋拿，31歲既韋拿合同仲有1年到期，佢既身價將唔會太高，巴塞方面為佢標價​​1300萬英鎊，熱刺方面就相信佢地會以一個比較低既價格收購韋拿。如果韋拿順利加盟，艾迪巴約將被清洗。
除左韋拿之外，今季大放異彩既阿士東維拉前鋒賓迪基都係熱刺既目標，不過樹大招風，賓迪基已經俾多間豪門球隊睇中，熱刺想要簽下佢，難度並唔細。