迪馬利亞：「下季留唔留低將會由球隊決定」 精選

皇馬球星迪馬利亞坦言已得知好多間大球會對自己嘅報價，下季留唔留係皇馬仍然存疑。迪馬利亞目前係西班牙首都住得好開心，都願意繼續為皇馬效力，只要球會仲需要佢，但係佢擔心會有報價達到皇馬嘅心理價位。
迪馬利亞指出：「我唔鍾意講大話，我知道好多球會想簽我而且報價達到皇馬嘅心理價位。但咁就取決於我嘅經紀人同皇馬，如果球會仲需要我，我願意留低。我目前並唔關注我嘅未來，都係想睇下球會嘅諗法，需要我留低定係離開。」
佢補充：「我宜家係皇馬好開心，岩岩經歷左一個好好嘅賽季，呢到所有人都好支持我。但有時，去定留都唔係完全取決於球員自己，即使非常渴望留低。」

迪馬利亞應該唔會加盟阿仙奴嘅死敵熱刺，講番去上年夏天，佢講：「當時商談左好耐，都考慮左好多，當你已經決心為熱刺全情付出嘅時候，就俾球會告知仲未有最終決定。」