車路士鋒線目標:依舊朗尼同法卡奧!

足球轉會消息 於 26/01/2014 發表 收藏文章
摩連奴唔滿意球隊既鋒線,狂人將會响今年夏天尋找世界級既超級前鋒,《每日鏡報》曝車路士今夏既尋槍目標,共2人,分別係朗尼同法卡奧,而朗尼就係第一選擇。如果朗尼同曼聯續約,摩連奴就會轉攻法卡奧。
摩連奴對朗尼既喜愛早就唔係秘密。上年夏天,狂人岩岩番車路士就向曼聯提出報價欲收購朗尼,但遭到紅魔拒絕。今季,朗尼表現依舊搶眼,係曼聯陣中表現最好既球員,但因曼聯整體戰績差,媒體爆料指朗尼開始考慮今夏離隊既可能。如果曼聯下季無緣歐聯賽場,朗尼離隊既可能性將增加。
英媒《每日郵報》曾報導指摩連奴一直等待朗尼同曼聯不和既消息,一旦出現咁既情況,葡萄牙人會响第一時間對朗尼提出報價。目前,朗尼仲未同曼聯續約,假如到呢個賽季結束時,雙方仍未達成續約協議,摩連奴夏天只要提出報價就很大機會得手。現在既問題係曼聯說唔說服到朗尼續約,朗尼目前養緊傷,由媒體既角度黎睇,朗尼本人對於曼聯既現狀係相當不滿。
對於朗尼既去向,摩連奴並未有把握,佢都不能夠確定朗尼响呢個賽季既後半程會唔會突然同曼聯續約。 《鏡報》表示唔理點都好,只要朗尼未續約,曼聯10號都係摩連奴鋒線上既第一目標。當然,摩連奴仲為朗尼準備左一個後著:「老虎」法卡奧。
法卡奧宜家响摩納哥過得唔太開心,入球率都及唔上响馬體會之時,甚至有媒體爆料佢同主教練拉涅利鬧出不和。其實,車路士同法卡奧既緋聞都唔係一兩天既事,英媒《洞察越位》之前甚至爆料車路士已經無限接近簽下法卡奧,但後來雙方並未達成協議。值得注意既係,法卡奧同摩連奴既經紀人都係門德斯,摩連奴隨時都可以通過門德斯黎了解法卡奧既動態。
比起朗尼,法卡奧既身價高好多。摩納哥上年夏天用左6500萬歐元既巨資先將佢由馬體會挖過黎,車路士今夏要想從摩納哥簽下法卡奧肯定要用一筆唔少既費用。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→