車路士有望1900萬購伊斯高，新卡卡或成籌碼！ 精選

係簽下丹巴巴亞之後，車路士有望再獲強援。根據英國媒體爆料指，車路士已經同西甲馬拉加達成協議，將會以1900萬英鎊既轉會費簽下西甲當紅既青年才俊伊斯高。伊斯高係一個攻擊型中場，幾受阿布賞識，另外，曼聯、曼城、熱刺之前都同佢傳出過緋聞。
車路士想要伊斯高一早唔係一日兩日既事，藍軍曾經多次同馬拉加方面表達引進伊斯高既意願，但係都被拒絕。咁點解馬拉加今次會放寬呢？因為車路士之前將“新卡卡”皮亞松租借去到馬拉加，正所謂禮尚往來，俾車路士既誠意所打動既馬拉加管理層好可能同意放人。

2006年，伊斯高加盟左華倫西亞，並成功入選西班牙U17國家隊，表現非常出色，而且被讚為下一個大衛施華。2011年7月，佢番到家鄉馬拉加，並同球隊簽約五年。之後係果段時間入面，佢好似坐左火箭咁躍升，牢牢佔據左馬拉加中場核心既位置，並帶領馬拉加係歐聯小組賽入面力壓意甲豪門AC米蘭以小組頭名出線。2012年12月22日，佢力壓之前呼聲最高既AC米蘭前鋒艾沙拉維獲得2012年度“金童獎”，身價都因為咁而上升。而係呢個賽季，伊斯高已經係聯賽中為馬拉加出場20次，攻入4球同奉獻1次助攻。作為中場核心既佢深受主教練器重！根據英國《人物報》透露，車路士希望係1月份既冬季轉會期就簽下伊斯高。除左車路士，英超另外兩大豪門曼聯同曼城之前都試過努力簽下伊斯高，熱刺同樣係伊斯高既追逐者，但係馬拉加並唔願意將伊斯高賣俾呢幾支球隊。皇馬之前都曾經報價1300萬英鎊求購入伊斯高，同樣遭到拒絕。

將皮亞松租借到馬拉加之後，車路士即刻轉達左引入伊斯高既諗法，馬拉加呢一次冇反對。但係佢地希望可以將伊斯高留到賽季結束，目前馬拉加排係聯賽第五名，力爭獲得更高排名既管理層希望伊斯高可以留低幫助球隊。但係，車路士希望伊斯高能夠即刻去到倫敦報到，雙方到宜家都未就呢件事達成一致。
另外，馬拉加仲希望車路士今個夏天能夠將皮亞松永久轉會至馬拉加。皮亞松係車路士冇獲得重用，位置都非常尷尬，雖然才華橫溢，但始終無辦法上位，佢本人更傾向於係西甲磨煉，而唔係係藍軍坐冷板凳。19歲既佢係去年1月份由聖保羅轉投車路士。