車路士或四千萬報價史東斯,21歲天才將打破後衛最高轉會費

足球轉會消息 於 19/08/2015 發表 收藏文章
據英國知名報紙《衛報》透露,車路士正考慮係轉會窗口關閉前4000萬英鎊報價愛華頓中堅史東斯。
之前車路士已經三度報價史東斯,報價分別為2000萬、2600萬同3000萬,但拖肥糖已經表示唔願意出售當家後衛。目前雙方仲進行緊拉鋸戰,英媒認為如果車路士真係願意報價4000萬英鎊,愛華頓有可能選擇放人。如果呢單轉會最終成行,史東斯將成為英格蘭足球壇身價最高嘅後衛。
車路士主帥摩連奴都係公眾場合多次表達對今夏引援嘅不滿,雖然星期日晚正式簽下奧格斯堡左閘巴巴,但中堅問題仍然未解決,卡希爾同泰利嘅中堅組合係新賽季已經唔再穩固。而年輕嘅史東斯將能為藍軍防線帶黎寶貴嘅移動能力,咁都係摩帥追逐佢咁耐嘅原因。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→