足球界年薪最高11人陣容!

足球轉會消息 於 07/03/2013 發表 收藏文章
葡萄牙知名媒體《球報》根據球員既年薪,評選出左一套由各個位置上年薪最高既球星所組成既11人全明星陣容。安治球星伊度奧繼續以世界第一年薪進入呢一套陣容,啱啱同巴塞續約無耐既美斯都以第二高薪入圍呢一套陣容。而從球星所代表既聯賽黎睇,英超4人、西甲3人、德甲2人、法甲1人、俄超1人,意甲無人入選!
以下係入選呢套陣容既11位高薪球星:
守門員:卡斯拿斯(皇家馬德里)- 600萬歐元
作為已經攞過西甲、國王盃、西班牙超級杯、歐聯、世界盃、歐超盃等等球會同國家隊冠軍於一身既門將,聖卡斯既入圍絕對係實至明歸!
右閘:拿姆(拜仁慕尼黑)- 1000萬歐元
作為拜仁同德國國家隊既雙料隊長,能夠同時勝任右閘同左閘兩個位置既拿姆,一直深受行家推崇同欣賞!
中堅:堤亞高施華(巴黎聖日耳門)- 980萬歐元
係AC米蘭效力期間,堤亞高施華既防守技術以及後上助攻,令佢躋身世界頂級中堅既行列。而高價轉會巴黎聖日耳門之後,佢都將會係巴黎聖日耳門既複興過程入面扮演重要角色!而係國家隊上面,作為巴西國家隊後防既新領袖,2014年既巴西世界盃,佢都將會為冠軍而戰!
中堅:泰利(車路士)- 950萬歐元
雖然近年黎飽受傷病困擾,但係車路士隊長仍然係藍軍不可缺少既後防支柱,場外既“友妻門”等唔光彩事件,並唔能夠抹殺泰利係場上既巨大影響力!
左閘:艾殊利高爾(車路士)- 1240萬歐元
一度面臨離隊既可能係艾殊利高爾,最終係同阿布既談判入面笑到左最後,係成功咁同球隊續約一年之後,呢位世界最佳左閘係史單福橋再效力一年,將獲得1240萬歐元既收入!
中場:列貝利(拜仁慕尼黑)- 1000萬歐元
列貝利既攻擊能力同場上既拼搏精神,係拜仁衝擊歐聯同德甲既無敵利刃!
中場:耶耶托利(曼城)- 1300萬歐元
係巴塞,佢就曾經贏過好多榮譽。高薪轉投曼城之後,佢一直都係曼城無可替代既中場核心,係呢到,耶耶托利既攻擊才能得到左進一步展現,多場關鍵比賽都有決定性既入波,近期佢有望獲得一份價值不菲既新約!
中場:大衛施華(曼城)- 1300萬歐元
施華既球風深受球迷喜愛,2011-2012賽季首回合曼徹斯特打比佢既精彩表現幫曼城6:1大勝曼聯,震驚世界足壇!
前鋒:C朗(皇家馬德里)- 1000萬歐元
係金球獎既評選入面連續數年俾美斯壓制,極具個性既C朗就一直係度努力,國王盃四強係魯營兩球羞辱巴塞,係C朗對美斯既又一次勝利。係進入2013年之後,係同美斯既金球大戰入面,C朗暫時領先!
前鋒:伊度奧(安治)- 2000萬歐元
無論係巴塞定係係國際米蘭,非洲獵豹都獲得左巨大成功,咁都令俄超新貴以世界第一年薪將佢購入!
前鋒:美斯(巴塞隆拿)- 1500萬歐元
2012年,美斯年度攻入91球,打破好多入球紀錄,2009-2012年,美斯創造金球獎4連冠既神話。無耐之前,佢啱啱同巴塞再次續約!

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→