西媒：巴塞被禁制引援，現皇馬最大機會簽到萊斯 精選

早前，國際體育仲裁法庭正式駁回巴塞對FIFA轉會禁令嘅上訴，姐係話巴塞唔可以係2015年引入新球員，西班牙媒體《馬卡報》認為呢件事令皇馬係萊斯嘅爭奪戰中處於上風。萊斯曾向紅藍軍團表示已經下定決心係今季結束就離開多蒙特，該報分析稱萊斯無可能為左等待巴塞處罰期結束而留隊多一年，所以，萊斯嘅下一站，巴塞已經被剔除，皇馬得到萊斯嘅可能性越黎越大。
之前德國媒體《圖片報》仲披露萊斯正修讀西班牙語課程，外界分析稱萊斯已經為登陸西甲作準備。要講西甲球隊，以馬體會目前嘅世界影響力，萊斯選擇加盟床單軍團嘅可能性比較細，剩下嘅只有皇馬同巴塞，所以係巴塞被禁止轉會呢件事上，皇馬高層自然係笑而不語。
萊斯目前合同嘅解約金只有2500萬歐元，而係《德國轉會市場》網站上，佢目前嘅身價估值已經達到5000萬歐元，令佢成為目前轉會市場上搶手貨，車路士、曼城、巴黎聖日耳門同拜仁等豪門均對德國邊鋒垂涎三尺。
《馬卡報》仲宣稱目前皇馬手頭上掌握著一張王牌，就係皇馬主席佩雷斯曾同多蒙特主席達成口頭協議，皇馬係萊斯嘅轉會上將擁有優先權，皇馬方面都願意支付任何對萊斯嘅最高報價，不過呢一個消息曾被多蒙特嘅CEO親口否認。