西媒曝卡卡將鐵定轉投美職新軍，最快今夏離米蘭 精選

上年夏季轉會窗最後一刻，卡卡從皇馬回歸AC米蘭，係過去嘅2013/14賽季，佢意甲出場30次貢獻7球6助攻，可惜佢精彩嘅表現無法得到國家隊主帥史高拉利嘅認可，巴西老帥並未有將卡卡個名寫入巴西隊世界杯23人名單。而就係早前，西班牙媒體再次曝出卡卡將會離開AC米蘭嘅消息，佢下一站將會係美國職業大聯盟新軍奧蘭多城。
卡卡之前已經多次同美職聯球隊有聯繫，幾間美國球會老闆都曾表示有意要引入呢位前世界足球先生。據《阿斯報》報導，根據卡卡同AC米蘭嘅合同款項，只要米蘭無法打入下季歐聯，佢就可以選擇轉會離開，而米蘭係過去一季表現好差，甚至拎唔到歐戰資格，如果卡卡留隊佢唔可以唔接受AC米蘭無緣歐聯而全隊降薪嘅條例。 《阿斯報》聲稱，奧蘭多城可以提供比卡卡高昂嘅年薪，佢正考慮緊係唔係今夏就轉投呢隊球隊。
不過另一間西班牙媒體《每日體育報》就指出，佢地認為卡卡99%將會履行完自己同球會到下季結束嘅合同，2015年夏天先會正式告別，追隨碧咸、亨利、羅比堅尼同尼斯達等人嘅腳步，奔赴大聯盟踢波。