西媒曝丹尼爾拒絕離隊，巴塞將繼續追求古達度

日前《世界體育報》有消息指，巴塞已經決定明夏自由轉會放走丹尼爾艾維斯，蒙度亞同​​杜格拉斯將會係右閘位置上競爭上位。對於呢個講法，丹尼爾艾維斯嘅經紀人有作出回應。安娜既係丹尼爾嘅經紀人，同時都係佢嘅妻子，佢講及丈夫去留時指出：「丹尼爾嘅未來唔係太確定，但宜家我地未有同任何人傾過佢嘅未來，包括巴塞或其它球會。」
「我地希望留係巴塞，尤其重要嘅一個原因係，我地嘅孩子都生活係呢到。佢話想去英超踢波？差唔多係佢一年前講嫁啦，當時佢的確表示想去英超。但宜家就有媒體重新提及呢件事，我覺得無呢個必要。」
關於丹尼爾嘅合同問題，加泰羅尼亞媒體指出嘅說法並唔統一，《每日體育報》唔止一次表示，丹尼爾嘅合同出年夏天到期但有優先續約一年嘅權力，而巴塞已同球員本人傾掂續約一年。《世界體育報》就反復強調，丹尼爾合同明夏截止，屆時佢將成為自由球員，因為巴塞無意同佢係今季續約。唔理丹尼爾下季能否留係魯營，巴塞都會考慮繼續引入高水準右閘。一位唔願意透露姓名嘅高層日前表示，今夏巴塞的確曾嘗試引入祖安古達度，而且準備好3500萬歐元現金，但係費倫天拿就堅持要價4500萬-5000萬歐元，導致交易未果。如無意外，巴塞明夏肯定會再度求購古達度，而佢嘅身價都將根據今個賽季表現或漲或跌。