蘇亞雷斯經理人求皇馬阿仙奴4000萬報價

係利物浦公佈既遠東同澳洲之行大名單上，蘇亞雷斯既名仍然在列。紅軍總裁相信，佢同羅渣士可以說服烏拉圭人留隊。不過，球員既經紀人就為佢張羅買主，佢呼籲阿仙奴同皇馬動用4000萬英鎊將球員買斷。
由於參加左洲際國家盃，蘇亞雷斯要到下星期一先番利物浦報到。不過正如佢之前所講，「一個電話或者就可以改變一切。」烏拉圭人仲洗唔洗番去晏菲路，就睇皇馬同阿仙奴點做野啦。
蘇亞雷斯早已表明左離開既意向，利物浦無力爭奪聯賽冠軍、打唔入歐聯令佢心灰意冷。皇馬同阿仙奴係蘇神欽點既兩個潛在下家。《太陽報》同《每日郵報》指出，球員既經紀人、拜仁主帥哥迪奧拿既哥哥，希望阿仙奴同皇馬能早日掏出4000萬英鎊，激活球員既違約金條款。係阿仙奴同皇馬之中，蘇神最想去既係班拿貝。但係現今為止，只有阿仙奴有過實質性既舉動，兩星期前佢地為烏拉圭人開價3000萬英鎊，但遭到紅軍拒絕。蘇亞雷斯上季表現神勇，利物浦認為佢既身價應該同當年托利斯出走時既5000萬英鎊一致。蘇神唔想遞交轉會申請，利物浦又冇出售既意圖，因此4000萬英鎊買斷蘇亞雷斯，成為最理想既解決辦法。利物浦總經理表示，等蘇亞雷斯番黎後，佢同羅渣士能夠說服烏拉圭人改變初衷，「我地預計，佢會繼續身披利物浦戰袍並履行現有合同。佢將會係墨爾本同我地會面，希望我同羅渣士能令佢回心轉意。」