英超十大進步球員榜！ 精選

5.拉爾拉拿（修咸頓）
拉爾拉拿令全世界認識到佢既技術同埋強硬。呢位攻擊型中場率領修咸頓响英超賽場上突飛猛進，目前積分榜僅次於曼聯既第7位。雖然只有25歲，但拉爾拉拿已經令好多人為佢鼓掌並充滿期望，目前已經有傳言指幾間豪門想係賽季結束後將佢招致麾下。同軒達臣一樣，拉爾拉拿都有望入圍英格蘭參加巴西世界杯既大名單。截止本輪，拉爾拉拿已經有7個入球5次助攻。4.蘇亞雷斯（利物浦）
之前既幾個賽季，有人嘲諷蘇亞雷斯唔係一個「天生既射手」，宜家睇起黎呢句說話非常好笑，宜家仲有幾多個人會懷疑蘇亞雷斯既射門技術？上季，蘇亞雷斯出場33次攻入23球。今季，因為咬人事件，蘇亞雷斯目前只出場21次，但係已經打入23球，效率驚人，進步幅度非常大。毫無疑問，蘇亞雷斯已經係呢個世界上最出色既前鋒之一。3.夏薩特（車路士）
夏薩特呢季既進步大家有目共睹，佢已經成長為車路士絕對既進攻核心。摩連奴既回歸令車路士隊內多位球員既狀態都得到提升，而夏薩特係其中進步最大既。摩連奴甚至稱讚夏薩特係地球上最好既球員，完全無視美斯同C朗。目前，夏薩特係聯賽入面出場26次打入12球，多次响球隊打唔開勝局之時挺身而出。2.史密斯高文（愛華頓）
已經有傳聞指阿仙奴同曼聯今夏都準備重金求購愛華頓既高文，由此可見高文宜家係英超有幾紅。呢名右閘只有25歲，防守強悍，而且進攻能力超群，已經係聯賽中攻入6球，仲有1次助攻。响主帥馬天尼斯既調教之下，高文已經成長為一流既右閘，英媒體甚至將佢同丹尼爾艾維斯、沙巴列達等人相提並論。1.艾朗藍斯（阿仙奴）
死神一出，誰與爭鋒？過去既幾季，艾朗藍斯既各項數據都唔算太好，好多人猜測佢將就此沒落，但呢一切係今季徹底改變。由賽季一開始，艾朗藍斯就近乎無人可擋，已經响27場聯賽入面攻入13球。之前，艾朗藍斯既單季入球紀錄只有4球，就從呢一點黎講，艾朗藍斯無疑係呢個賽季進步最快既球員。