英媒:英超要留住巴利,歐洲豪門簽佢需要7500萬!

足球轉會消息 於 06/03/2013 發表 收藏文章
巴利留低!英媒《每日郵報》發起左挽留巴利運動,抵制巴塞皇馬同拜仁等等既國外豪門既收購。近7場比賽巴利攻入9球,甚至超越美斯同C朗,英媒話對韋斯咸既世界絕殺波美斯都唔一定可以射入。引入巴利代價好大,轉會費加工資起碼要7500萬英鎊。
上兩輪聯賽,巴利係客場最後時刻以世界波絕殺韋斯咸,英媒話呢腳世界波C朗肯定能夠攻入,而美斯只係“好有可能”。宜家既英超,你願意洗錢去現場睇佢地比賽既球星少之又少,更唔洗講90分鐘內都令你情緒激昂既啦,而巴利就係其中既佼佼者。

巴塞同皇馬等歐洲豪強一直都係到睇實巴利,帶走佢既代價唔少,轉會費加工資高達7500萬英鎊!但英超需要英雄,而呢一刻巴利正正係英超既英雄,佢地唔可以失去本國聯賽最傑出既天才之一。問下英超CEO,佢需要巴利咁樣既球員係全世界推廣自己既聯賽。所以《每日郵報》引起左“將巴利留係英格蘭”既運動,抵制巴塞、皇馬同拜仁等歐洲豪強。
該媒體羅列左對巴利有意既球隊。巴利係皇馬既頭號目標,施丹曾現場考察過佢幾次,皇馬既出價可能為3500萬英鎊。拜仁新主帥哥迪奧拿欣賞巴利,佢地可能出價3000萬英鎊。巴塞係第一批考察巴利既球隊之一,但係佢地精打細算,出價可能只有2500萬英鎊。曼城可以拎出3000萬英鎊加球員交換巴利,但睇黎熱刺情願將佢賣到國外。競爭巴利點少得法甲富豪PSG,佢地可以出價4000萬英鎊,但法甲水平唔高,巴利冇乜興趣!

留言


請按此登錄後留言。未成為會員? 立即註冊
    快捷鍵:←
    快捷鍵:→