英媒曝維度爾就加盟阿仙奴達成協議，盼望能與山齊士合作

智利中場維度爾嘅未來曾經同曼聯以及利物浦聯系埋一齊，早前多間英國媒體仲透露羅渣士有意引入呢名悍將接班謝拉特，不過轉會市場一向風雲莫測，黎自英國《每日鏡報》嘅消息稱，維度爾已經同阿仙奴達成左加盟嘅個人協議，如果槍手肯開出2500萬英鎊嘅轉會費，智利國腳就將成雲加麾下一員。
維度爾係祖雲達斯今季嘅絕對主力，隨著賽季嘅發展，佢嘅膝傷都已經基本痊愈，而係接受採訪時，呢名中場大將都透露希望留係都靈。不過包括《米蘭體育報》在內嘅多間意大利媒體都透露祖雲達斯有意送走呢名智利國腳，而且斑馬軍團已經搵左維度爾嘅替身。
正當外界以為維度爾嘅未來好可能係晏菲路時，英國《每日鏡報》突然爆料，阿仙奴睇中左呢名全能中場，而且雲加嘅球隊已經同維度爾進行左接觸，智利國腳同意槍手方面開出嘅個人條款，咁意味著呢筆轉會嘅最後障礙只剩低祖雲達斯。據稱，維度爾本人非常渴望同國家隊隊友山齊士聯手，如今，呢種願望接近成為現實。
《每日鏡報》稱，如果阿仙奴開出2500萬英鎊嘅轉會費，意甲冠軍就可能放走維度爾。對於阿仙奴黎講，如果能夠購入維度爾，咁必然係非常值得嘅一筆投資，係阿迪達年事已高、路域斯基決定離隊，韋舒亞又成為玻璃腳嘅情況下，雲加需要係中路繼續增強，況且最近嘅《太陽報》仲傳出左巴塞有意5000萬英鎊收購藍斯嘅消息。