英媒曝曼城將完成今夏第一簽，二千萬簽下巴西當紅國腳 精選

曼聯敲定迪比，對英超其他競爭對手自然係好大嘅動力。今日出版嘅《每日鏡報》透露，曼城即將完成今夏第一簽，佢地將花費2000萬英鎊，引入德甲賀芬咸嘅巴西國腳羅拔圖費明奴。
曼城今季戰績唔好，四大皆空嘅佢地決心係今夏大換血，降低球隊嘅平均年齡。宜家睇黎，藍月亮嘅夏季首簽已經呼之欲出。《鏡報》指出，曼城有信心擊退各路競爭對手，以2000萬鎊簽下巴西國腳費明奴。曼城之所以買費明奴，目的在於為阿古路搵一個好幫手，分擔阿kun嘅入球壓力。
費明奴係賀芬咸嘅效率唔差，場上擔任10號嘅佢，今季31場德甲聯賽，6球9助攻，制造入球嘅能力可見一斑。今季，曼聯同阿仙奴嘅球探都到現場考察過費明奴。費明奴2014年續約前，車路士同利物浦都曾經關注過佢。上年，費明奴同賀芬咸續約到2017年，但《鏡報》認為賀芬咸此舉旨在將巴西人賣個好價錢，而曼城絕對俾得起。
此時此刻，曼城走左係搶人戰嘅最前，佢地已經同賀芬咸以及球員嘅經紀團隊展開左密切嘅磋商。曼城不日即可以2000萬鎊簽下費明奴，曼城相信，呢筆交易都將會拉開藍月亮夏季大收購嘅序幕。