英媒曝摩帥來季選擇的五大主力 精選

車路士奪得歐聯冠軍後大換血，不過，以奧斯卡，夏薩特為首既青年軍未能係上季取得太好既成績，藍軍僅僅獲得歐霸盃冠軍自己開心一下。摩連奴上車後點睇現有既陣容？ 《人物報》指出，目前隊中只有5人會係摩帥既絕對主力，上季表現突出既馬達同大衛雷斯甚至都唔係入面。
過去既兩個賽季，車路士係聯賽入面表現不盡如人意。摩連奴坦言，球隊需要提升實力，「我既首要任務就係提升球隊質素，因為過去兩個賽季，我地係聯賽中既表現好差。」

摩帥稱藍軍需要提升，一定程度上都可以理解為，佢對於球隊既現有配置唔滿意。《每日鏡報》援引《人物報》既消息稱，新賽季，只有施治、艾殊利高爾、林柏特、夏薩特同奧斯卡五人會係絕對主力，其他球員都需要競爭上崗。
上季被車路士球迷同球員評為賽季最佳既馬達，英超34戰11球18次助攻都未能夠俘獲摩連奴既芳心；防守明顯改善、多次攻入世界波既大衛雷斯同樣唔入狂人法眼。兩人之前陷入離隊傳聞，多少同摩連奴對兩人既定位有一定關係。
《人物報》分析話，摩連奴將會同大衛雷斯講，佢唔係自己既主力名單之內，摩帥並唔反對巴塞以3500萬英鎊簽下大衛雷斯，因為咁樣就可以為佢引援籌集到唔少寶貴資金。至於無所不能既馬達，摩連奴更為睇重奧斯卡，佢認為巴西人既攻擊能力勁過馬達，馬達可能要為奧斯卡做後備。摩連奴既引援清單入面，包括辛尼特前鋒候克、拜仁鋒霸高美斯、AC米蘭新星艾沙拉維以及曼城超級後備迪施高等射手。阿布5000萬英鎊簽下既托利斯，未能夠打動狂人。參加完洲際國家盃既托利斯，雖然好期待跟從摩帥，但係佢都急切咁想知自己係唔係葡萄牙人既計劃之中。不過托利斯好可能得唔到滿意既答覆，摩帥願意放佢離開。