美職隊確認欲簽杜奧巴，魔獸今夏與謝拉特攜手赴美職？ 精選

謝拉特正式加盟美國職業足球大聯盟洛杉磯銀河後，美職嘅另一隊球隊波特蘭伐木者都確認左對車路士前鋒杜奧巴嘅興趣。
杜奧巴上年夏天回歸車路士，今季擔任替補前鋒，但係已經攻入6球，寶刀未老。佢份合同到今年夏天結束，目前仲未確定續約定係掛靴之後進入教練組輔佐摩連奴。據悉藍軍已經係尋找佢嘅接班人，正考察賓菲加嘅泰利斯卡同國際米蘭嘅伊卡迪。
美職波特蘭伐木者老板公開表示左對杜奧巴嘅興趣，雖然佢承認宜家簽魔獸無可能，但今夏呢名藍軍老臣嘅合同到期後，或者會追隨謝拉特嘅腳步，到美國闖蕩。「杜奧巴係個獨特嘅球員，雖然年歲已高，佢獨特嘅技術都可以助佢係美職好好賺一筆。幾年前美職差點簽下佢，我知道我地主教練希望佢加盟，但我宜家好懷疑佢能唔能夠加盟。」
利物浦隊長謝拉特早前正式宣布加盟洛杉磯銀河，佢嘅年薪為400萬英鎊，如果杜奧巴加入伐木者，佢都可以依據美職嘅「明星球星」條款，獲得巨額年薪。2013年杜奧巴透露佢會考慮去美職闖蕩：「或者某一天咁個會係另一個挑戰。如果時機到左，而且有可能，點解唔去呢？」紐約紅牛同芝加哥火焰都表示過對杜奧巴嘅興趣。