羅渣士帥位動搖恐被解雇，利物浦欲邀請賓尼迪斯執教 精選

據《意大利足球》消息，賓尼迪斯目前帥位不保，而佢似乎唔愁下家，目前英超嘅利物浦同西甲嘅華倫西亞都有意邀請呢位戰術大師執教。
2014-15賽季，賓尼迪斯執教拿玻里嘅戰績唔算太好，雖然目前佢麾下嘅球隊係意甲排名第4位，但係距離榜首嘅祖雲達斯足足12分，距離第2嘅羅馬都有8分。意大利媒體近日頻繁爆料，賓尼迪斯有可能遭到主席嘅解雇。
《意大利足球》援引《米蘭體育報》消息指出，賓尼迪斯拒絕左兩份報價，不過佢的確係評估緊應唔應該繼續留係拿玻里。意大利媒體透露，其中一份報價黎自利物浦，而賓尼迪斯曾經係2004-2010年間執教紅軍，並且帶領球隊獲得2005年歐聯冠軍，當時上演左震驚世界嘅伊斯坦堡爾奇跡。
目前利物浦戰績好差，現任主帥羅渣士嘅帥位都變得唔穩定，有消息指，利物浦老闆已經決定解雇羅渣士，由目前情況睇黎，紅軍可能重新聘請賓尼迪斯執教，當然取決於賓帥係唔係繼續留任拿玻里。賓迪尼斯嘅另外一個前東家華倫西亞都對佢有意思，佢成名正正係執教華倫西亞期間，當時佢帶領蝙蝠軍團曾經奪得西甲同聯盟杯冠軍，如果賓尼迪斯重返西甲，華倫西亞都係一個唔錯嘅選擇。